Ffoniwch ni ar 01792 817575  

Cyswllt Busnes - Cyflwyniad
Mae Cyswllt Busnes yn cynnig cyngor proffesiynol ac ymarferol i fusnesau Cymru ac unrhyw un sydd am fod yn hunangyflogedig neu am ddechrau eu busnes eu hunan yn lleol. Rydym hefyd yn cynorthwyo mentrau cymdeithasol. Mae nifer o’n gwasanaethau am ddim ac mae eraill ar gael ar gyfraddau isel, cymorthdaledig. Rydym yn cynnig ymgynghoriad cychwynnol AM DDIM heb unrhyw ymrwymiad. Mae gennym swyddfeydd ar draws Castell-nedd Port Talbot gan gynnwys Llandarsi, Port Talbot a Phontardawe.

Cymorth i Ddechrau Busnes
Gallwn eich helpu bob cam o’r ffordd gyda chymorth cyfrinachol AM DDIM. Mae ein gwasanaethau cyffredinol ar gyfer unigolion a busnesau newydd wedi’u hariannu’n llwyr gan Lywodraeth Cynulliad Cymru. Mae ein tîm o Ymgynghorwyr Busnes profiadol a chymwysedig yn cynnig cyngor a chymorth proffesiynol un i un. Hefyd mae croeso i chi fynychu un o’n cyrsiau.

Cwrs Dechrau Busnes 3 Diwrnod

Rydym yn cynnal gweithdai Dechrau Busnes sy’n ddelfrydol i’r sawl sy’n bwriadu dechrau busnes. Mae’r gweithdai yn anffurfiol ac ar gyfer pobl sy’n newydd i fusnes ac sydd am wybod rhagor am fod yn fos arnynt eu hunan. Mae hwn yn gwrs poblogaidd iawn sy’n cwmpasu cyllid, llif arian, cynlluniau busnes, marchnata, ac ati.. Nid oes angen gwybodaeth na phrofiad blaenorol ac nid oes rhaid i chi fynd ymlaen gyda’ch syniad busnes os penderfynwch nad yw’r penderfyniad yn iawn i chi.

Sesiynau Blasu Am Ddim
Rydym hefyd yn cynnal sesiynau Blasu hanner diwrnod sy’n agored i’r sawl sy’n ystyried hunangyflogaeth ac a hoffai wybod rhagor. Mae’r sesiynau hyn yn anffurfiol iawn ac yn rhad ac am ddim.  Ffoniwch ni ar 01792 817575

Cymorth i Fusnesau Sefydledig
Gallwn helpu’ch busnes gydag amrywiaeth eang o faterion gan gynnwys cael gafael ar grantiau a benthyciadau, ysgrifennu cynlluniau busnes, materion llif arian, marchnata, gwefannau, dod o hyd i gontractau, tendrau, arloesi, patentau, nodau masnach, optimeiddio peiriannau chwilio, y rhyngrwyd ac ati.. Mae’r gwasanaethau hyn yn gymorthdaledig ond efallai y byddwch yn gymwys i gael cyllid i dalu’r holl gostau neu ran ohonynt. Cadwch le heddiw i gael ymgynghoriad cychwynnol AM DDIM gydag Ymgynghorydd Busnes profiadol.